Khaosod
Online

วันจันทร์ ที่ 6 ก.ค. 2563

အခြေခံဥပဒေ ပြင်ဆင်ရေး ပြီးမယ့်အချိန်ကို လွှတ်တော်နာယက ထုတ်ပြော

3 ธ.ค. 2562 - 19:33 น.

လွှတ်တော်မှာ ဆောင်ရွက်နေတဲ့ အခြေခံဥပဒေ ပြင်ဆင်ရေး ပြီးစီးမယ့်အချိန်ကို ပြည်ထောင်စု လွှတ်တော် နာယက ဦးတီခွန်မြတ်က ဒီဇင်ဘာ ၃၀ ရက်မှာ လွှတ်တော်မှာ ထုတ်ပြောလိုက်ပါတယ်။

အခြေခံ ဥပဒေ ပြင်ဆင်ရေးအတွက် လမ်းကြောင်းပြိုင် ဆွေးနွေးမှုတွေ အားကောင်းလာချိန်မှာ လွှတ်တော် နာယက ဦးတီခွန်မြတ်က ထုတ်ပြောလိုက်တာ ဖြစ်ပါတယ်။

အချက်ပေါင်း ၃၇၀၀ ကျော်ကို ပြင်ဆင်ဖို့ တင်သွင်းထားကြတဲ့ အချက်တွေကို လွှတ်တော် ဥပဒေကြမ်း ကော်မတီက စုစည်းဆောင်ရွက်နေတဲ့၂၀၀၈ အခြေခံဥပဒေ ပြင်ဆင်ရေးကို လက်ရှိ လွှတ်တော်သက်တမ်းအတွင်း အပြီးဆောင်ရွက်သွားမယ်လို့ ဦးတီခွန်မြတ် ပြောပါတယ် ။

ဒီဥပဒေ ပြင်ဆင်ရေးကို စတင်ကတည်းက လွှတ်တော်ရဲ့ လက်ရှိသက်တမ်းအတွင်း အပြီးသတ်ပြင်ဆင်မယ်လို့ စဉ်းစားပြီး လက်ခံခဲ့တာ ဖြစ်တယ်လို့လည်း ဒီဇင်ဘာလ ၃ရက် ပြည်ထောင်စုလွှတ်တော် အစည်းအဝေးမှာ ပြောခဲ့ပါတယ်။

အခုလက်ရှိ အခြေခံဥပဒေပြင်ဆင်ရေးလမ်းကြောင်း နှစ်ခု ရှိနေပါတယ်။

NLD ဦးဆောင်တဲ့ အခြေခံ ဥပဒေ ပြင်ဆင်ရေး ၄၅ ဦး ပူးပေါင်းကော်မတီရဲ့ လမ်းကြောင်းဟာ အချက်အလက် ၃၇၀၀ ကျော်ကို စုစည်းပြီး ဥပဒေကြမ်းတခု တင်သွင်းဖို့ ရှိနေပါတယ်။

အဲဒီ အခြေခံ ဥပဒေပြင်ဆင်ရေး နည်းလမ်းဟာ လွှတ်တော် နည်းဥပဒေ စည်းကမ်းနဲ့ မကိုက်ညီဘဲ အရေးအကြီးအဆို တင်သွင်းပြီး မဲခွဲ ဖွဲ့စည်းခဲ့တာလို့လည်း ဝေဖန်မှုတွေ ရှိပါတယ်။

ပြည်ခိုင်ဖြိုးနဲ့ တပ်မတော်သား ကိုယ်စားလှယ်တွေ တင်သွင်းထားတဲ့ အခြေခံဥပဒေပြင်ဆင်ရေး မူကြမ်းတွေဟာ ဥပဒေကြမ်း အဆင့်ကို ရောက်ရှိနေပြီ ဖြစ်ပြီးတော့ အဲဒီကိုယ်စားလှယ်တွေက ဥပဒေကြမ်း လေးခု ကို လွှတ်တော်မှာ တင်သွင်းခဲ့ပါတယ်။

ပြည်ခိုင်ဖြိုး ကိုယ်စားလှယ် ဦးသောင်းအေးကတော့ သူတို့ ပြင်ဖို့လုပ်နေတဲ့ အခြေခံဥပဒေ ပြင်ဆင်ရေးဟာ ဆယ်တန်းအောင်ထားတဲ့ အခြေအနေဖြစ်ပြီး အခြေခံဥပဒေ ပြင်ဆင်ရေး ၄၅ ဦး ပူးပေါင်းကော်မတီက ပြင်ဆင်ရေးဟာ မူကြမ်းထွက်ဖို့ ဘယ်လောက်ကြာမယ်ဆိုတာ မသိရလို့ မူလတန်းအဆင့်သာ ရှိသေးပြီး ဆယ်တန်းအောင်တဲ့ သူက မူလတန်းကို တက္ကသိုလ် အတူတက်ဖို့ စောင့်နေရ သလို ဖြစ်နေတယ်လို့လည်း ထည့်သွင်း ဆွေးနွေးခဲ့ပါတယ်။

ဗိုလ်မှူးချုပ်မောင်မောင်
BBC
အခြေခံဥပဒေ ပြင်ဆင်ရေး ဥပဒေမူကြမ်း ဦးဆောင်တင်သူ တပ်မတော်သား ကိုယ်စားလှယ် ဗိုလ်မှူးချုပ်မောင်မောင်

အခုဆိုရင် အခြေခံဥပဒေ ပြင်ဆင်ရေးအတွက် လွှတ်တော်ကို ရောက်နေတဲ့ ဥပဒေမူကြမ်းတွေဟာ တပ်မတော်သားကိုယ်စားလှယ်တွေက နှစ်ခု၊ ပြည်ခိုင်ဖြိုး ကိုယ်စားလှယ်တွေ နှစ်ခု ပေါင်းလေးခုရှိပါတယ်။ ဒါ့အပြင် အခြေခံဥပဒေတစ်ခုလုံးက အချက်ပေါင်း၃၀၀၀ ကျော်ကို ဥပဒေ ပြင်ဆင်ရေး ပူးပေါင်းကော်မတီက စိစစ်နေတာလည်း ရှိပါတယ်။

နိုင်ငံရေး ပါတီ၊ အစုအဖွဲ့အသီးသီးနဲ့ တစ်သီးပုဂ္ဂလကိုယ်စားလှယ်တွေက တင်ပြခဲ့တဲ့ အခန်းလိုက် ပြင်ဆင်၊ ဖြည့်စွက်၊ ပယ်ဖျက်ဖို့ အကြံပြုချက်တွေအပေါ် ပြင်ဆင်တဲ့ ဥပဒေမူကြမ်း ရေးဆွဲဖို့ စိစစ်နေတာဟာ ၂၀၀၈ ခုနှစ် ဖွဲ့စည်းပုံ အခြေခံဥပဒေ နိဒါန်းအပါအဝင် အခန်း(၁) နိုင်ငံတော်အခြေခံမူများ၊ အခန်း(၂) နိုင်ငံတော် ဖွဲ့စည်းတည်ဆောက်ပုံ၊ အခန်း(၃) နိုင်ငံတော် အကြီးအကဲ၊ အခန်း(၄) ဥပဒေပြုရေး နဲ့ အခန်း(၅) အုပ်ချုပ်ရေးအခန်းတွေ ပြီးပြတ်အောင်ဆောင်ရွက်ပြီးဖြစ်ကြောင်း နဲ့ အခန်း(၆)ကို ဆက်လက်ဆောင်ရွက်နေ တယ်လို့ လွှတ်တော်က နိုဝင်ဘာလ ၂၈ ရက် က သတင်း ထုတ်ပြန်ထားပါတယ်။

ပူးပေါင်းကော်မတီ အစည်းအဝေးတွေကို လွှတ်တော်ကျင်းပစဉ်ကာလနဲ့ လွှတ်တော်ရပ်နားထားတဲ့ကာလတွေမှာ အပတ်စဉ် ဆက်တိုက်ကျင်းပဆောင်ရွက်နေတယ်လို့လည်းလွှတ်တော်က သတင်းထုတ်ပြန်ထားပါတယ်။

အခြေခံ ဥပဒေဟာ အခန်း ၁၅ ခန်းပါရှိပြီး အားလုံးပြီးဖို့ဆိုရင် နောက်အခန်း၉ ခန်း ပြီးမှ ဥပဒေကြမ်း တစ်ခုဖြစ်လာဖို့ ရှိပါတယ်။

ပူးပေါင်းကော်မတီရဲ့ ဥပဒေကြမ်း ပြီးတဲ့အခါမှာ ပြည်ခိုင်ဖြိုးနဲ့ တပ်က တင်ထားတဲ့ ဒီဥပဒေ မူကြမ်းလေးခုစလုံးကို သီးခြားစီ တပြိုင်တည်း ဆွေးနွေးဖို့ လွှတ်တော်ဥပဒေကြမ်း ကော်မတီက အကြံပေးခဲ့ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ အခြေခံဥပဒေ ပြင်ဆင်ရေး ပြီးမယ့်အချိန်ကို လွှတ်တော်နာယက ထုတ်ပြော
ข่าวที่เกี่ยวข้อง