Khaosod
Online

วันพุธ ที่ 23 ก.ย. 2563

ကရင်နီလူငယ် ၆ ဦးကို ပြစ်ဒဏ်တိုးဖို့ ပြင်ဆင်ချက် ပြည်နယ်အစိုးရ ပြန်ရုပ်

6 ธ.ค. 2562 - 19:16 น.

ပြည်နယ် ဝန်ကြီးချုပ်နဲ့ တာဝန်ရှိသူတစ်ဦးကို အမျိုးသား သစ္စာဖောက်အဖြစ် ထုတ်ပြန်လို့ တရားစွဲဆို ခံရပြီး ထောင်ဒဏ် ကျခံနေရသူ ကရင်နီလူငယ် ၆ ဦးကို ပြစ်ဒဏ်တိုးမြှင့်ပေးဖို့ ပြင်ဆင်ချက်ကို ဒီဇင်ဘာ ၆ ရက်မှာ ပြည်နယ်အစိုးရက ရုပ်သိမ်းလွှာ တင်လိုက်ပါတယ်။

ဗိုလ်ချုပ်ကြေးရုပ်ဆန့်ကျင်သူ ကရင်နီလူငယ်တွေ ထောင်၆ လ ပြစ်ဒဏ် ချမှတ်ခံရပြီး ပြစ်ဒဏ်စေ့လို့လွတ်လာခါနီးမှာ ပြည်နယ်အစိုးရဘက်က ပြစ်ဒဏ်တိုးဖို့ပြင်ဆင်ချက် နိုဝင်ဘာလ ၂၈ရက်နေ့ က တင်သွင်းထားခဲ့တာပါ။

လွိုင်ကော် ခရိုင်တရားရုံးမှာ ပြင်ဆင်ချက် တင်သွင်းပြီး နောက်တစ်ပတ်ရုံးချိန်းမှာတော့ အဲဒီပြစ်ဒဏ်တိုးရေး ပြင်ဆင်ချက်ကို ပြန်ရုပ်သွားခဲ့တာ ဖြစ်ပါတယ်။

"ကနေ့ ရုံးချိန်းမှာ ပြင်ဆင်ချက်တင်ခဲ့တဲ့ ကိစ္စကို ပြန်ရုပ်သိမ်းတယ်။ခရိုင် တရားသူကြီးကတော့ လာမယ့် ဒီဇင်ဘာ ၂၀ ရုံး ပြန်ချိန်းတယ်။ တရားသူကြီးလဲ ချိန်းဖို့ရှိတော့ နောက်ရုံးချိန်းမှာ လျောက်လဲချက် ပေးရမယ်။ သူဘာဆုံးဖြတ်မယ် မသိဘူး" လို့ ပြစ်ဒဏ်က ပြန်လည် လွတ်မြောက်လာသူ ဂူးဂူး(ခ)ခူးကြူးဖဲကေးက ပြောပါတယ်။

လာမယ့် ၂၀ ရက်နေ့ ကျရင် လက်ရှိ ခရိုင်တရားသူကြီးက ပြောင်းတော့မှာ ဖြစ်တဲ့အတွက် ခရိုင်တရားသူကြီးအသစ်ဆီကို လျှောက်လဲချက် ပေးရမှာ ဖြစ်ပါတယ်။ နှစ်ဖက်လျှောက်လဲချက် ပြီးနောက်မှသာ ခရိုင်တရားသူကြီးအသစ်က ပြင်ဆင်ချက်ရုပ်သိမ်းမယ်၊ မရုပ်သိမ်းဘူးဆိုတာကို ဆုံးဖြတ်မိန့် ပေးမှာဖြစ်ပြီတော့ ပြင်ဆင်ချက်ကို ခရိုင်တရားရုံးက မရုပ်သိမ်းရင်လည်း အမှုကို ဆက်လက်ရင်ဆိုင်ရပါမယ်လို့ ဂူးဂူး(ခ)ခူးကြူးဖဲကေးက ပြောပါတယ်။

တရားခံတွေဟာ ငယ်ရွယ်သူတွေ ဖြစ်တဲ့အပြင် သူတို့အနာဂတ် မထိခိုက်စေချင်တာရယ်၊ ပြည်နယ် တည်ငြိမ်အေးချမ်းရေးအတွက် အခုလို ဥပဒေနဲ့ အညီ ပြန်လည်ရုပ်သိမ်းခွင့် ပြုဖို့ ပြန်လျှောက်ခဲ့တာလို့လည်း ပြည်နယ်အစိုးရရဲ့ ထုတ်ပြန်ချက်မှာ ပါရှိပါတယ်။

ကယားပြည်နယ် ဝန်ကြီးချုပ် အပါအဝင် ထိပ်ပိုင်းခေါင်းဆောင်တွေကို ဝေဖန်ခဲ့တဲ့အတွက် ထောင်ဒဏ်ခြောက်လ အပြစ်ပေးခံခဲ့ရပြီး အဲဒီပြစ်ဒဏ်ဟာ ဒီဇင်ဘာလ အတွင်းမှာ ပြီးဆုံးပြီး လွတ်ဖို့ရှိပါတယ် ။

လွိုင်ကော်မြို့ ကန္ဒာဟေဝန်ပန်းခြံမှာ ဗိုလ်ချုပ်ကြေးရုပ်စိုက်ထူခဲ့တာနဲ့ ပတ်သက်ပြီး ပြည်နယ် ဝန်ကြီးချုပ် ဦးအယ်လ်ဖောင်းရှို၊ စီမံဘဏ္ဍာဝန်ကြီး ဦးမော်မော်တို့ကို "နိုင်ငံရေးရာဇဝတ်ကောင်များ"၊ "ကရင်နီအမျိုးသား သစ္စာဖောက်များ" ဟု ကြေညာချက်မှာ သုံးနှုန်းခဲ့လို့ လူငယ် ခြောက်ဦးကို နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်ခွင့်နှင့် လုံခြုံမှုကို ကာကွယ်ပေးတဲ့ ဥပဒေ ပုဒ်မ ၁၀ နဲ့ နိုဝင်ဘာ ၇ ရက်နေ့ က အလုပ်နှင့်ထောင်ဒဏ် ခြောက်လ ချမှတ်ခဲ့ပါတယ်။

အဲဒီ ကရင်နီလူငယ် ခြောက်ဦးထဲက တစ်ယောက် ပြစ်ဒဏ်စေ့လို့ ပြီးခဲ့တဲ့ရက်ပိုင်းက ပြန်လွတ်လာပြီး ကျန်ကရင်နီလူငယ် ၅ယောက် ကတော့ လာမယ့် သီတင်းပတ် အနည်းငယ်မှာ ပြန်လည်လွတ်လာဖို့ ရှိပါတယ်။

ပြစ်ဒဏ်စေ့လို့ လွတ်လာတဲ့ ခူးကြူးဖဲကေး(ခ)ဂူးဂူး ကို အယူခံပြင်ဆင်ချက်ကို သိရှိကြောင်း လွိုင်ကော်ခရိုင်တရားရုံးက နိုဝင်ဘာ ၂၈ မှာ ဆင့်ခေါ်ပြီး လက်မှတ် ထိုးခိုင်းခဲ့ ပါတယ်။

ထောင်တွင်းကျန်ရှိသူတွေကို ထောင်ပိုင်ကတစ်ဆင့် အယူခံပြင်ဆင်ချက်ကို သိရှိကြောင်း လက်မှတ်ရေးထိုးခိုင်းခဲ့တယ်လို့ ခူးကြူးဖဲကေး ဆီက သိရပါတယ်။

လွိုင်ကော်မြို့နယ် အထွေထွေ အုပ်ချုပ်ရေးမှူးက တရားလိုပြုလုပ်ပြီး နိုင်၊လွတ်၊လုံ ပုဒ်မ ၁ဝ နဲ့ ကရင်နီ ပြည်သူ့အင်အားစု အဖွဲ့ဝင်တွေကို တရားစွဲခဲ့တာပါ။

အဲဒီနောက် ကရင်နီလူငယ်တွေကို ဇွန်လတုန်းက ဖမ်းဆီးခဲ့ပါတယ်။

ထောင်ဒဏ် ချမှတ်ခံလိုက်ရပေမယ့်လည်း ကရင်နီလူငယ်တွေအနေနဲ့ ကယားပြည်နယ်ကနေ ဗိုလ်ချုပ်ကြေးရုပ် ဖယ်ရှားပေးရေးနဲ့ပတ်သက်ပြီး တောင်းဆိုတဲ့ သဘောထား ပြောင်းလဲသွားခြင်း မရှိသလို ထောင်က လွတ်လာရင်လည်း မူလရပ်တည်ချက်အတိုင်း ဆက်လက်လုပ်ဆောင်သွားဖို့ ရှိတယ်လို့ ကရင်နီလူငယ်တွေရဲ့ သဘောထားကို ကရင်နီလူငယ် မူအန်းဂျေလာက ပြောခဲ့ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ ကရင်နီလူငယ် ၆ ဦးကို ပြစ်ဒဏ်တိုးဖို့ ပြင်ဆင်ချက် ပြည်နယ်အစိုးရ ပြန်ရုပ်
ข่าวที่เกี่ยวข้อง