Khaosod
Online

วันอาทิตย์ ที่ 31 พ.ค. 2563

မြဝတီမှာ ထိုင်းကလွဲပြီး အခြားပြည်ပနိုင်ငံသားတွေ ဝင်ခွင့်မပြုတော့

19 มี.ค. 2563 - 14:23 น.

ကိုဗစ် -၁၉ ကိုရိုနာဗိုင်းရပ်စ် ကူးစက်ရောဂါ ကာကွယ်တားဆီးနိုင်ရေးအတွက် ဒီကနေ့ မတ် ၁၉ ရက်နေ့က စပြီး မြဝတီနယ်စပ်ဂိတ်ကနေ ထိုင်းနိုင်ငံသားနဲ့မြန်မာနိုင်ငံ သားတွေကလွဲပြီး ကျန်ပြည်ပနိုင်ငံသားတွေကို ဝင်ထွက်ခွင့်ပိတ်ပင်လိုက်ပြီလို့ မြဝတီမြို့၊ ပြည်နယ်လွှတ်တော် ကိုယ်စားလှယ်ဦးသန့်ဇင်အောင်က ဘီဘီစီ ကို ပြောပါတယ်။

'' အခုအခြေအနေတွေအရ ဒေသခံတွေကလည်း စိုးရိမ်ကြတယ်။ ထိုင်းနိုင်ငံသားတွေကတော့ နယ်စပ် ဖြတ်ခွင့်စာအုပ်ရှိရင် ဝင်ထွက် လို့ရမယ်။ ဟိုဘက်က မြန်မာနိုင်ငံသားတွေကလည်း သင်္ကြန်ကာလ ပြန်လာ တာ သွားတာရှိတယ်။ တခြားနိုင်ငံသားတွေကတော့ ပတ်စပို့တွေဘာတွေရှိလည်း ဒီကနေ ဝင်ခွင့် မပေးတော့ဘူး။ ရန်ကုန်၊မန္တလေး ၊ နေပြည်တော် စတဲ့လေဆိပ် ဝင်ပေါက်တွေကနေပဲ သွားရမယ်။''လို့ ဦးသန့်ဇင်အောင်က ပြောပြပါတယ်။

ဒီသတ်မှတ်ချက်ဟာ မတ် ၁၉ ရက်နေ့မှာ စတင်ကျင့်သုံးတာဖြစ်ပြီး ဘယ်အချိန်ထိပိတ်ထားမယ်လို့ သတ်မှတ်ချက်မရှိသေးဘဲ ကိုဗစ် -၁၉ ကူးစက်ပြန့်ပွားမှုအခြေအနေပေါ်မူတည်တယ် လို့လည်း သိရပါတယ်။

မြဝတီမြို့ဟာ နယ်စပ်ဝင်ပေါက်တစ်ခုဖြစ်နေတာကြောင့် ဒေသခံတွေအနေနဲ့ ပြည်ပကဝင်ရောက်လာသူတွေကတဆင့် ရောဂါကူးစက်မှာကို စိုးရိမ်နေကြတယ်လို့လည်း ဒေသခံတွေထံကသိရ ပါတယ်။

ဒါကြောင့်လည်း မတ် ၁၆ ရက်နေ့က မြဝတီမြို့ကနေ အခြားဒေသတွေကို ပြေးဆွဲနေတဲ့ ခရီးသည်တင် ယာဉ်လိုင်းတွေအနေနဲ့ တရုတ်နိုင်ငံသားအပါအဝင် နိုင်ငံခြားသားတွေ တင်ဆောင်တာ တွေ့ပါက ယာဉ်လိုင်းကို ပိတ်သိမ်းမယ်ဆိုတဲ့ ကြေညာချက်ကို မြဝတီမြို့ မော်တော်ယာဉ် လိုင်းပေါင်းစုံစည်းကမ်းထိန်းသိမ်းရေး ကြီးကြပ်မှုကော်မတီကနေ ထုတ်ပြန်ခဲ့ပါသေးတယ်။

' 'အဲဒီအမိန့်စာကတော့ ၁၆ ရက်နေ့ တစ်ရက်ပါပဲ။ နောက်ရက်တော့ ပြန်ရုပ်သိမ်းလိုက်ပါတယ်။ဒါကတော့ ဒီမှာရှိတဲ့လူတွေရဲ့ စိုးရိမ်ပူပန်မှုပေါ့။ နောက်ရက်တွေတော့ အကြုံးမဝင်ပါ ဘူး။''လို့ လွှတ်တော်ကိုယ်စားလှယ် ဦးသန့်ဇင်အောင်က ပြောပြပါတယ်။

ဒီအပြင် မြန်မာ- ထိုင်းနယ်စပ်က ချစ်ကြည်ရေးတံတားအမှတ် ၁ နဲ့ ၂ကို ယာယီပိတ်ထားမယ်ဆိုတဲ့သတင်းတွေလည်းထွက်ပေါ်နေပြီး ဒီအတွက် ဒီကနေ့မတ် ၁၉ ရက်နေ့က မယ်ဆိုင်မြို့မှာ ထိုင်းနိုင်ငံဘက်က တာဝန်ရှိသူအချို့နဲ့ တာချီလိတ်ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူတွေ အလွတ်သဘောတွေ့ဆုံဆွေးနွေးခဲ့ကြတယ်လို့လည်း သိရပါတယ်။

ဒီဆွေးနွေးပွဲမှာ ဘာတွေဆွေးနွေးခဲ့ကြတယ်၊ နှစ်နိုင်ငံချစ်ကြည်ရေးတံတားပိတ်ဖို့ရှိမရှိဆိုတာကိုတော့ တာချီလိတ်ခရိုင်နဲ့ မြို့နယ်အဆင့်အုပ်ချုပ်ရေးမှူးတွေကို ဘီဘီစီကဆက်သွယ် မေးမြန်းခဲ့ပေမယ့် ဖြေဆိုဖို့ငြင်းဆန်ခဲ့ကြတဲ့အတွက် အတည်ပြုနိုင်ခြင်းတော့မရှိပါဘူး။

' ' တရားမဝင်နယ်စပ်ဂိတ်တွေလည်း ပိတ်မယ်လို့ ကြားသိရတယ်။ ချစ်ကြည်ရေးတံတား ၁၊၂ ကတော့ တရားဝင်ဂိတ်ပေါ့လေ။ တခြားကင်းစခန်းလေးတွေလည်းရှိတယ်။ ဒါတွေကို ပိတ်မယ်လို့လည်း ကြားနေ ရတယ်။''လို့လည်း မြဝတီမြို့လွှတ်တော်ကိုယ်စားလှယ် ဦးသန့်ဇင်အောင်က ဘီဘီစီကို ပြောပါတယ်။

မြဝတီ၊ တာချီလိတ်စတဲ့မြို့တွေဟာ ထိုင်း၊တရုတ် စတဲ့နိုင်ငံသားတွေအပြင် အခြားနိုင်ငံသားတွေလည်း ဝင်ရောက်သွားလာနေတဲ့ နယ်စပ်ဝင်ပေါက်တွေဖြစ်ပါတယ်။

ကိုဗစ် -၁၉ ကိုရိုနာဗိုင်းရပ်စ်ကူးစက်မှုကို ထိန်းချုပ်နိုင်ဖို့အတွက်အခုလို နယ်စပ်ဝင်ထွက်ခွင့်ပိတ်ပင်တာကို မြန်မာနိုင်ငံအပြင် နိုင်ငံအတော်များများမှာလည်း ပြည်ပနိုင်ငံသားတွေ ဝင်ရောက်ခွင့်မပြုဘဲ ယာယီပိတ်ပင်ထားကြပြီဖြစ်ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ မြဝတီမှာ ထိုင်းကလွဲပြီး အခြားပြည်ပနိုင်ငံသားတွေ ဝင်ခွင့်မပြုတော့
ข่าวที่เกี่ยวข้อง