Khaosod
Online

วันพฤหัสบดี ที่ 4 มิ.ย. 2563

COVID-19 ကြောင့် ထိုင်း-မြန်မာ နယ်စပ်က ပြန်ဝင်လာသူ ၉ ထောင်ကျော်နေပြီ

22 มี.ค. 2563 - 16:03 น.

COVID-19 ကြောင့် ၂ ရက်အတွင်း ထိုင်း-မြန်မာ နယ်စပ်က ပြန်ဝင်လာသူ ၉ ထောင်ကျော်နေပြီထိုင်း-မြန်မာ နယ်စပ် မြဝတီမှာရှိတဲ့ ချစ်ကြည်ရေးတံတားအမှတ် ၂ ကနေ ပြန်ဝင်လာသူဦးရေဟာ ၂ ရက်တာကာလအတွင်း ၉ ထောင်ကျော်ရှိနေပြီး ဒီကနေ့ မတ်လ ၂၂ ရက်နေ့မှာလည်း လူထောင်နဲ့ချီပြီး မြန်မာနိုင်ငံထဲ ပြန်ဝင်လာနေတာ ဖြစ်ပါတယ်။

“မတ်လ ၂၀ ရက်နေ့က ပြန်လာသူက ၃ ထောင်ရှိတယ်၊ မနေ့က မတ်လ ၂၁ ရက်နေ့မှာ ပြန်ဝင်လာသူ ၆၁၉၃ ဦးရှိတယ်၊ ဒီကနေ့မှာလည်း ဝင်လာသူတွေ ပြွတ်သိပ်နေတယ်” လို့ ထိုင်းဘက်က ပြန်ဝင်လာသူတွေမှာ COVID-19 ကူးစက်ထားတာ ရှိမရှိ ကျန်းမာရေးစစ်ဆေးမှုတွေ ပေးနေတဲ့ ကျန်းမာရေးနဲ့ အားကစားဝန်ကြီးဌာန၊ ရောဂါနှိမ်နင်းရေးဌာန ညွှန်ကြားရေးမှူး ဒေါက်တာစည်သူအောင်က ပြောပါတယ်။

ပြန်လာသူအများစုဟာ ထိုင်းဘက်မှာ အလုပ်သွားလုပ်ကြတဲ့ မြန်မာရွှေ့ပြောင်းလုပ်သားတွေ ဖြစ်ကြပြီး တချို့ကတော့ ကျန်းမာရေးကြောင့် ဆေးကုသွားကြသူတွေလည်း ဖြစ်ပါတယ်။ သူတို့တွေကို နေပြည်တော် ကျန်းမာရေးဌာနက ဦးဆောင်ပြီး ကရင်ပြည်နယ် ကျန်းမာရေးဝန်ထမ်းတွေ၊ မြဝတီခရိုင်နဲ့ ကော့ကရိတ်ခရိုင်က ဆေးရုံဝန်ထမ်းတွေက COVID-19 ကူးစက်မှု ရှိမရှိ ကျန်းမာရေးစစ်ဆေးမှုတွေ လုပ်နေပါတယ်။

“ပြန်လာသူတွေကို တစ်ယောက်ချင်းစီ နာမည်၊ အသက်၊ မှတ်တယ်၊ ပြီးရင် အဖျားရှိမရှိ ကိုယ်အပူချိန်တိုင်းတယ်၊ ကျန်းမာရေး စစ်ဆေးမှု တချို့လုပ်တယ်၊ ပြီးကာမှ လူဝင်မှု ကြီးကြပ်ရေးက ကိုယ်ရေးအချက်အလက်တွေ ယူပါတယ်” လို့ ရောဂါနှိမ်နင်းရေးဌာန ညွှန်ကြားရေးမှူး ဒေါက်တာစည်သူအောင်က ပြောပါတယ်။

“အခုထိတော့ အဆင်ပြေနေတယ်ဗျ၊ ကိုရိုနာဗိုင်းရပ်စ် သံသယရှိတဲ့လူနာ၊ စောင့်ကြည့်လူနာ တစ်ဦးတစ်ယောက် မတွေ့သေးပါဘူး” လို့လည်း ဒေါက်တာစည်သူအောင်က ပြောပါတယ်။

မြဝတီမှာ ထိုင်းကလွဲပြီး အခြားပြည်ပနိုင်ငံသားတွေ ဝင်ခွင့်မပြုတော့

ထိုင်း-မြန်မာနယ်စပ်က ချစ်ကြည်ရေးတံတား အမှတ် (၁) ကို မတ်လ ၂၀ ရက်နေ့က ထိုင်းဘက်က ပိတ်လိုက်ပြီးနောက် ထိုင်းဘက်မှာ ရှိနေတဲ့ မြန်မာတွေဟာ တံတားအမှတ် ၂ ကနေ နေ့စဉ် ထောင်နဲ့ချီပြီး မြန်မာနိုင်ငံထဲကို ပြန်ဝင်လာကြတာ ဖြစ်ပါတယ်။အမှတ် ၁ တံတား ပိတ်ပြီးတဲ့နောက် ထိုင်းဘက်အခြမ်း မဲဆောက်မှာ မြို့တွင်း ပိုးသတ်ဆေးဖြန်း သန့်ရှင်းရေးတွေ လုပ်ခဲ့ပါတယ်။

အခု မြန်မာနိုင်ငံသားတွေ ပြန်လာနေတဲ့ တံတားအမှတ် ၂ ဟာ ထိုင်း-မြန်မာ နယ်စပ် မြန်မာဘက်အခြမ်းကဆိုရင် မြဝတီမြို့နယ် ရေပူကျေးရွာအပိုင်ထဲမှာ ရှိပြီး ဒီအမှတ် ၂ တံတား ကိုလည်း မနက်ဖြန် မတ်လ ၂၃ ရက်နေ့မှာ ထိုင်းဘက်အခြမ်းက တရားဝင်ပိတ်တော့မှာ ဖြစ်ပါတယ်။“ဒီကနေ့ ညနေ ၆ နာရီအထိတော့ ပြန်လာသူတွေကို ကျန်းမာရေးစစ်ဆေးမှုတွေ လုပ်ပြီး လက်ခံနေပါတယ်” လို့ ရောဂါနှိမ်နင်းရေးဌာန ညွှန်ကြားရေးမှူး ဒေါက်တာစည်သူအောင်က ပြောပါတယ်။

ကိုရိုနာဗိုင်းရပ်စ်ဟာ ကမ္ဘာ့နိုင်ငံပေါင်း ၁၇၀ ကျော်မှာ ကူးစက်မှု ရှိနေပြီး သေဆုံးသူကလည်း ၁ သောင်း ၃ ထောင်ကျော် ရှိနေပြီ ဖြစ်ပါတယ်။ ထိုင်းမှာတော့ ရောဂါကူးစက်သူ အယောက် ၅၀၀ ကျော်နေပြီး သေဆုံးသူ ၁ ဦး ရှိပါတယ်။ မြန်မာနိုင်ငံမှာတော့ မတ်လ ၂၁ ရက်နေ့အထိ ဗိုင်းရပ်စ် စောင့်ကြည့်နဲ့ သံသယလူနာ ၂၀၁ ဦးမှာ နာတာရှည်နဲ့ တခြားရောဂါတွေကြောင့် သေဆုံးသူ ၁၂ ဦး ရှိတယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ COVID-19 ကြောင့် ထိုင်း-မြန်မာ နယ်စပ်က ပြန်ဝင်လာသူ ၉ ထောင်ကျော်နေပြီ
ข่าวที่เกี่ยวข้อง