Khaosod
Online

วันอาทิตย์ ที่ 12 ก.ค. 2563

ကိုဗစ် -၁၉ တတိယမြောက်လူနာ ရန်ကုန်မှာထပ်တွေ့ ၊အိန္ဒိယမှာ တစ်နိုင်ငံလုံး Lock down အစီအစဉ်စတင် အပါအဝင် မနက်ခင်းသတင်းများ

25 มี.ค. 2563 - 10:19 น.

ကိုဗစ် -၁၉ လူနာ မြန်မာမှာတွေ့ပြီးနောက် မန္တလေးမှာ ဈေးဆိုင်တွေကို ပါဆယ်ပဲရောင်းဖို့ ဒေသန္တရ အမိန့်ထုတ်ပြန်

COVID-19 Postive လူနာ (၂)ဦး တွေ့ရှိသည်ဟု ကျန်းမာရေး ဝန်ကြီးဌာနမှ မတ်လ(၂၃)ရက်နေ့ညပိုင်းက ထုတ်ပြန်ခဲ့ပြီးနောက် မန္တလေးမြို့ရှိ လက်ဖက်ရည်ဆိုင်၊ခေါက်ဆွဲဆိုင်များကို ပါဆယ်သာရောင်းချရန် မတ်လ(၂၄)ရက်နေ့က မန္တလေးတိုင်းအစိုးရက ညွှန်ကြားချက်ထုတ်ပြန်လိုက်ပါတယ်။

ဒီလို ညွှန်ကြားချက်ထုတ်ပြန်ပြီးနောက် မန္တလေးမြို့ နန်းရှေ့ လက်ဖက်ရည်ဆိုင်တွေမှာ ဆိုင်ထိုင်စားတာမျိုး ခွင့်မပြုတော့ပဲ ပါဆယ်သာ ရောင်းချတော့တယ်လို့ သိရပါတယ်။

ကိုဗစ် -၁၉ တတိယမြောက်လူနာ ရန်ကုန်မှာထပ်တွေ့

မြန်မာနိုင်ငံတွင် COVID-19 ကူးစက်ခံရသူနှစ်ဦး မတ်လ ၂၃ ရက်နေ့က စတင်တွေ့ရှိခဲ့ပြီး တတိယ မြောက် တစ်ဦးထပ်တွေ့ ကြောင်း ကျန်းမာရေးနှင့် အားကစားဝန်ကြီးဌာနက မတ်လ ၂၅ရက်နေ့က ထုတ်ပြန်ပါ တယ်။

ကူးစက်ခံရသူ ဟာ အင်္ဂလန်နိုင်ငံမှ ပြန်လာတဲ့ မြန်မာနိုင်ငံသားဖြစ်ပြီး၊ အင်းစိန်မြို့နယ်မှာနေထိုင်သူ၊ အသက်၂၆ နှစ် အရွယ်ဖြစ်တယ် လို့ ထုတ်ပြန်ချက်မှာ ဖော်ပြထားပါတယ်။

အင်္ဂလန်နိုင်ငံက မတ်လ ၂၁ ရက် နေ့မှာ မြန်မာနိုင်ငံကို ထိုင်းနိုင်ငံ၊ သုဝဏ္ဏဘူမိ လေဆိပ်ကတစ်ဆင့် လေကြောင်းခရီးနဲ့ ဝင်ရောက်လာခဲ့တာဖြစ် ပြီး ၊ ကိုယ်ပူဖျားနာတာ နဲ့ ချောင်းဆိုးရောဂါလက္ခဏာတွေ ကြောင့်မတ်လ ၂၃ ရက်နေ့မှာ အင်းစိန်ပြည်သူ့ဆေးရုံ မှာ စောင့်ကြည့်လူနာအဖြစ် သီးသန့်ခန်းထားရှိ (isolation) စောင့်ကြပ်ကုသမှု ခံယူခဲ့သူဖြစ်ပါတယ်။

အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) စစ်ဆေးခဲ့တဲ့ဓာတ်ခွဲအဖြေအရ COVID-19 ရောဂါပိုး တွေ့ရှိရတာဖြစ်ပါတယ်။

မွမ်ဘိုင်းမြို့က ဈေးဝယ်နေသူများ
AFP
မွမ်ဘိုင်းမြို့က ဈေးဝယ်နေသူများ

အိန္ဒိယမှာ တစ်နိုင်ငံလုံး ၂၁ရက်ကြာ အသွားအလာကန့်သတ်တဲ့အစီအစဉ်စတင် ၊ ဈေးအလုအယက် ဝယ်ယူတာတွေဖြစ်ပေါ်

အိန္ဒိယနိုင်ငံမှာတော့ ကိုရိုနာ ဗိုင်းရပ်စ် ကူးစက်ပျံ့နှံ့တာကို ထိန်းချုပ်ဖို့ သီတင်းသုံးပတ်ကြာ အသွားအလာ ကန့်သတ်တဲ့အစီအစဉ်ဟာ ဒီကနေ့ မတ် ၂၅ရက်နေ့ကနေ စတင်ကျင့်သုံးပါပြီ။

ဝန်ကြီးချုပ်နရန်ဒါမိုဒီကတော့ ဗိုင်းရပ်စ်ကူးမခံရအောင် နေအိမ်ထဲကနေ မထွက်ကြဖို့ သူ့နိုင်ငံသား သန်းတစ်ထောင့် သုံးရာကို တိုက်တွန်းလိုက်ပါတယ်။

ဒါအပြင် မြို့တော် ဒေလီအပါအဝင် အခြားသောမြို့တွေက ပြည်သူတွေအနေနဲ့လည်း လူအုပ်လိုက် ဈေးဆိုင်တွေမှာ ပြုံတိုးပြီး ဈေးဝယ်တာတွေမလုပ်ဖို့ မေတ္တာရပ်ခံထားပါတယ်။

ဒါပေမယ့်လည်း မြို့တော်ဒေလီနဲ့ စီးပွားရေးမြို့တော် မွမ်ဘိုင်းအပါအဝင်မြို့ကြီးတွေမှာတော့ လူတွေက စိုးရိမ်ထိတ်လန့်ပြီး အလုအယက် ဈေးဝယ်တာတွေကို လုပ်ဆောင်နေကြပါတယ်။

နယူးယောက်မြို့ကလာသူတွေကို ၁၄ ရက်ခွဲခြားနေဖို့ ပြော
Getty Images
နယူးယောက်မြို့ကလာသူတွေကို ၁၄ ရက်ခွဲခြားနေဖို့ ပြော

အမေရိကန်မှာ နယူးယောက်မြို့ကလာသူတွေကို ၁၄ ရက်ခွဲခြားနေဖို့ ပြော

အမေရိကန်အစိုးရကတော့ ပြီးခဲ့တဲ့ရက်တွေအတွင်း နယူးယော့မြို့ကနေ ထွက်လာတဲ့ဘယ်သူမဆို လာမယ့် သီတင်း ၂ ပတ်အထိ ဘယ်သူနဲ့မှ ထိတွေ့ဆက်ဆံတာမျိုးမလုပ်ဘဲ မိမိဘာသာ သီးခြားနေထိုင် သင့်တယ်လို့ပြောလာပါတယ်။

နယူးယောက်ဟာ အမေရိကန်မှာ ကိုရိုနာဗိုင်းရပ်စ် ကူးစက်မှုအများဆုံးဖြစ်နေတဲ့မြို့ပါ။

နယူယောက်ကနေ နိုင်ငံရဲ့တခြားနေရာတွေကို ရွှေ့ပြောင်းနေကြတဲ့သူတွေကြောင့် ဗိုင်းရပ်စ်ကူးစက်မှု အစုလိုက်ထပ်ဖြစ်မှာကို စိုးရိမ်တာတွေ ရှိနေတာပါ။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ ကိုဗစ် -၁၉ တတိယမြောက်လူနာ ရန်ကုန်မှာထပ်တွေ့ ၊အိန္ဒိယမှာ တစ်နိုင်ငံလုံး Lock down အစီအစဉ်စတင် အပါအဝင် မနက်ခင်းသတင်းများ
ข่าวที่เกี่ยวข้อง