Khaosod
Online

วันพฤหัสบดี ที่ 4 มิ.ย. 2563

ဧပြီ ၁၅ရက်နောက်ပိုင်းမှပြန်လာဖို့ အစိုးရပန်ကြားပေမယ့် နယ်စပ်ဂိတ်တွေကတဆင့်ထိုင်းကပြန်လာသူတွေရှိနေဆဲ

1 เม.ย. 2563 - 17:20 น.

ထိုင်းနိုင်ငံကနေပြန်ဝင်လာသူ မြန်မာနိုင်ငံသားတစ်ဦးမှာ ကိုဗစ် -၁၉ ပိုးတွေ့ရှိပြီးနောက် နယ်စပ်ဂိတ်တွေကတဆင့် ပြန်လည်ဝင်ရောက်မယ့် ပြည်ပရောက်မြန်မာရွှေ့ပြောင်း လုပ်သားတွေကို ဧပြီ ၁၅ရက် နောက်ပိုင်းမှ ပြန်လည်ဝင်ရောက်ကြဖို့ နိုင်ငံခြားရေးဝန်ကြီးဌာနကနေ မတ် ၃၀ ရက်နေ့မှာ ပန်ကြားခဲ့ပါတယ်။

ဒီလိုပန်ကြားထားပေမယ့်လည်း မတ် ၃၁ ရက်နဲ့ ဧပြီ ၁ရက်နေ့မှာလည်း မြဝတီနယ်စပ်ဂိတ်ကတဆင့် ပြန်လည်ဝင်ရောက်လာသူတွေရှိနေဆဲဖြစ်တယ်လို့ မြဝတီမြို့၊ ကရင်ပြည်နယ်လွှတ်တော် ကိုယ်စားလှယ် ဦးသန့်ဇင်အောင်က ပြောပါတယ်။

' ' နေ့လယ်ပိုင်းထိကို လူ ခြောက်ရာကျော်ပြန်ဝင်လာပြီးပြီ။ ဒီလူတွေက အိမ်တော့တန်းမပြန်ရဘူး။ အစိုးရစီစဉ်တဲ့နေရာမှာ ၁၄ ရက်စောင့်ကြည့်ပြီးမှပြန်ရမယ်။ '' လို့ ဦးသန့်ဇင်အောင်က မတ် ၃၁ ရက်နေ့က ပြန်လည်ဝင်ရောက်လာတဲ့အခြေအနေကို ပြောပြပါတယ်။

မြန်မာနိုင်ငံမှာ မတ် ၃၁ ရက်နေ့အထိ ကျန်းမာရေးနဲ့အားကာစားဝန်ကြီးဌာနရဲ့ထုတ်ပြန်ချက်အရ ကိုဗစ် -၁၉ ပိုးတွေ့ လူနာ ၁၅ဦးရှိလာပြီဖြစ်ပါတယ်။ အဆိုပါပိုးတွေ့လူနာတွေထဲမှာ မြဝတီနယ်စပ်ဂိတ်ကတဆင့် ပြန်လည်ဝင်ရောက်လာသူ မြန်မာနိုင်ငံသားတစ်ဦးလည်းပါဝင်ပါတယ်။

' ' အစိုးရအနေနဲ့က ပန်ကြားတာဖြစ်လို့ ပြန်မလာနဲ့တော့လို့တော့ တားလို့မရဘူး။ အမိန့် ညွှန်ကြားချက် မဟုတ်တော့။ ဒီလူတွေ လတ်တလောပြန်လာရင်တော့ နေရာအခက်အခဲရှိမယ်။ လတ်တလောမှာ မြဝတီ ဘားအံ၊ ကော့ကရိတ် တွေမှာ ထားဖို့တော့ နေရာတွေပြင်ဆင်ထားတယ်။ ကျွန်တော်တို့ပြည်နယ်အနေနဲ့ အများဆုံး လက်ခံနိုင် လူ ၂၀၀၀ စာပေါ့။ ဒါကြောင့် အစိုးရက နေရာတွေပြင်ဆင်ပြီးမှ ပြန်ဝင်လာဖို့ ပန်ကြားတာကို ထိုင်းရောက်မြန်မာတွေလည်း နားလည်ကြမယ်လို့ မျှော်လင့်တယ်''လို့ ပြည်တော်ပြန်မြန်မာ အလုပ်သမားတွေ စောင့်ကြည့်မယ့် နေရာအခြေအနေနဲ့ပတ်သက်ပြီး ဦးသန့်ဇင်အောင်ကရှင်းပြပါတယ်။

ပြီးခဲ့တဲ့ တစ်ပတ်ကျော်ကာလအတွင်း ထိုင်း-မြန်မာချစ်ကြည်ရေး တံတားအမှတ် ၂တစ်ခုတည်းကနေ ပြန်လည်ဝင်ရောက်လာတဲ့ မြန်မာလုပ်သားအရေအတွက်ဟာ သုံးသောင်း ခုနှစ်ထောင်ကျော်ထိရှိခဲ့ပြီး မတ် ၃၁ ရက်နေ့မတိုင်ခင်ထိ ပြန်ဝင်လာသူတွေဟာ မိမိတို့ရဲ့ နေအိမ်မှာပဲ ၁၄ ရက်တာစောင့်ကြည့်ဖို့ ညွှန်ကြားထားခဲ့တာဖြစ်ပါတယ်။

နေအိမ်မှာ ၁၄ ရက်တာစောင့်ကြည့်ပြီးသီးသန့်နေထိုင်ဖို့ ညွှန်ကြားခဲ့ပေမယ့်လည်း မလိုက်နာသူတွေ လည်းရှိခဲ့တာကြောင့် ရပ်ရွာနေထိုင်သူတွေနဲ့ နေရပ်ပြန်လာသူတွေကြား အချင်းများတာ တွေလည်းရှိခဲ့ပါတယ်။

' ' အခုက ပြန်လာသူတွေကိုလည်း အဖျားတိုင်းတာလောက်ပဲလုပ်နိုင်တာ။ ကိုဗစ်-၁၉ လက္ခဏာကလည်း ချက်ခြင်းပြတာမဟုတ်တော့ သူတို့မှာ ရောဂါကူးစက်ခံထားရတာရှိမရှိကလည်း မသေချာဘူး။ ဒါကြောင့် ပြည်သူတွေမှာလည်း စိုးရိမ်မှုတွေကပိုပိုများလာတယ်။ ဒါကြောင့် ဒီဝင်လာတဲ့သူတွေကို ၁၄ ရက်စောင့်ကြည့်ဖို့ လုပ်နေပြီ။ လတ်တလော နေရာအခက်အခဲရှိနိုင်လို့ အစိုးရက ပြန်မလာကြသေးဖို့ပန်ကြားရတာဖြစ်ပါတယ်''လို့လည်း မြဝတီမြို့လွှတ်တော်ကိုယ်စားလှယ်ဦးသန့်ဇင်အောင်ကရှင်းပြပါတယ်။

ထိုင်းနိုင်ငံမှာ အလုပ်သွားရောက်လုပ်ကိုင်နေတဲ့မြန်မာလုပ်သားဦးရေဟာ သန်းနဲ့ချီရှိပြီး လတ်တလောထိုင်းနိုင်ငံမှာလည်း ကိုဗစ်-၁၉ ကူးစက်ပြန့်ပွားမှုအခြေအနေကြောင့် နေထိုင်ခွင့်တင်းကျပ်တာတွေရှိနေတဲ့အတွက် ထိုင်းရောက်မြန်မာလုပ်သားအများအပြားဟာ ပြည်တွင်းကို ပြန်လည်ဝင်ရောက်တာတွေရှိနေပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ ဧပြီ ၁၅ရက်နောက်ပိုင်းမှပြန်လာဖို့ အစိုးရပန်ကြားပေမယ့် နယ်စပ်ဂိတ်တွေကတဆင့်ထိုင်းကပြန်လာသူတွေရှိနေဆဲ
ข่าวที่เกี่ยวข้อง