Khaosod
Online

วันพฤหัสบดี ที่ 4 มิ.ย. 2563

COVID-19ကြောင့် ကိုယ်ပိုင်ဆေးခန်းအချို့ အဖျားကြီးလူနာတွေကို ကုသမှုပေးတဲ့ ပုံပြောင်းလာ

4 เม.ย. 2563 - 15:42 น.

COVID-19 ပိုးတွေ့လူနာ အမှတ် ၁၆ကို ကိုယ်ပိုင်ဆေးခန်းငယ်တစ်ခုမှာ သွားရောက်ကုသခဲ့ပြီးနောက် ဆေးခန်းကိုပိတ်ခဲ့ရသလို ဆရာဝန်ကိုယ်တိုင် ၁၄ ရက်တာ စောင့်ကြည့်မှုခံယူရပြီးနောက်ပိုင်း မြို့နယ်၊ ရပ်ကွက်တွေမှာရှိတဲ့ အထွေထွေရောဂါကုဆေးခန်းငယ်တွေမှာ အဖျားရှိသူတွေကို သီးသန့်ကုသနိုင်ဖို့ ပြင်ဆင်လာကြပြီလို့ အထွေထွေရောဂါ ကုသရေး( GP)ဆရာဝန်များအသိုင်းအဝိုင်းကနေသိရပါတယ်။

ဒီလိုပြင်ဆင်ရာမှာ ပြင်ပဆေးခန်းအချို့မှာ အဖျားရှိပါက ဆေးခန်းကို ကြိုဖုန်းဆက်ပြီး ပြောပြဖို့ အသိပေး ထားတာတွေရှိလာသလို ရန်ကုန်အတွင်းမြို့နယ်အချို့သန်လျင်မြို့နယ်တွေက အချို့သော ဆေးခန်းတွေ မှာတော့ အဖျားတိုင်းမယ့်နေရာကို သီးသန့်ထားပြီး အဖျားရှိ လူနာတွေကို ခရီးသွားရာဇဝင်မေးမြန်းပြီး မှတ်တမ်းဖြည့်စွက်ရတဲ့ပုံစံမျိုးတွေလည်းရှိလာတယ်လို့ သိရပါ တယ်။

' ' ကျွန်တော့်ဆေးခန်းမှာလည်း အရှေ့မှာလက်ဆေးခိုင်းတာမျိုး။ ဖျားရင် အဲ့နေရာမှာပဲထိုင်ပါပေ့ါ။ သုံးလေး ယောက်လောက် ထိုင်တဲ့နေရာမှာပဲ တစ်ယောက်တည်းထိုင်ခိုင်းတယ်။ အဖျားတိုင်းပြီးလို့ တကယ်ဖျား နေပြီဆိုရင်တော့ ရောဂါရာဇဝင်လှမ်းမေးလိုက်တယ်။ တချို့ကတော့ဖျားရင်အိမ်မှာပဲနေပါဆိုပြီး ဖုန်းနဲ့အရင် မေးမြန်းကုသတာတွေကိုလုပ်တယ်။''လို့ ကိုယ်တိုင်ကုသနေတဲ့အခြေအနေကို ဒေါက်တာမြင့်ဦးက ပြောပြပါတယ်။

အပြင် COVID-19 ပိုးတွေ့လူနာအချို့မှာ ရောဂါလက္ခဏာမပြဘဲ ကူးစက်ခံထားရသူတွေလည်း ရှိတာ ကြောင့် ရပ်ကွက်ဆေးခန်းငယ်အချို့မှာ ကုသမှုမပေးတော့ဘဲ ယာယီပိတ်ထားတာ တွေလည်းရှိလာတယ်လို့ အထွေထွေရောဂါကုဆရာဝန် ဒေါက်တာမြင့်ဦးက ဘီဘီစီကိုပြောပါတယ်။

' ' အခုထိက ပြင်ပဆေးခန်းတွေအတွက် ဘာညွှန်ကြားချက်မှသီးခြားမလာသေးဘူး။ ရောဂါလက္ခဏာ သံသယရှိရင် ဆေးရုံလွှဲပေးဖို့ညွှန်ကြားချက်ပဲရှိတယ်။ အဲတော့ အဲ့ဆေးခန်းတွေက ပိတ်ရမလား ဖွင့်ရ မလား ဆိုတဲ့ညွှန်ကြားချက်တော့မရှိဘူး။ ကိုယ့်ဘာသာပဲ ကာကွယ်ကြဆိုတာမျိုးဖြစ်နေတယ်။ ဒါပေမယ့် ဒီဆေးခန်းလေးတွေမှာက PPEလည်းမတတ်နိုင်ဘူး။ N95 လည်းမတတ်နိုင်ဘူး။ လူနာတစ်ယောက် တခါတွေ့ပြီးရင် တခါလဲရမှာလားဆိုတဲ့ညွှန်ကြားချက်တွေလည်းမရှိဘူး။ အဲတော့ ပိတ်တဲ့ဆေးခန်းက ပိတ်၊ ဖွင့်တဲ့ဆေးခန်းကဖွင့်နဲ့ ဆက်ကုနေကြ တယ်။'' အထွေထွေကုသမားတော်တွေရဲ့ လက်ရှိကြုံတွေ့နေရတဲ့ အခြေအနေကို ဒေါက်တာမြင့်ဦးက ရှင်းပြပါတယ်။

မြန်မာနိုင်ငံမှာ ကိုဗစ်-၁၉ ပိုးတွေ့လူနာ ၁၉ ဦးအထိရှိလာပြီဖြစ်ပြီး လူနာအမှတ် ၁၆ ဟာ ပြင်ပဆေးခန်းမှာ သွားရောက်ကုသခဲ့တဲ့အပြင် မြောက်ဥက္ကလာပဆေးရုံကြီးမှာလည်း ဖျားနာဆောင် မှာ ကုသမှုခံယူခဲ့တဲ့အတွက် ကျန်းမာရေးဝန်ထမ်းတွေ စောင့်ကြည့်ခံယူရပြီးနောက် ရန်ကုန်ဆေးရုံကြီးမှာတော့ အထူးကုပြင်ပလူနာဌာနကို ဆေးရုံကြီးဝန်းပြင်ပမှာ ပြောင်းရွှေ့ကုသမှုပေးဖို့ လုပ်ဆောင်နေပြီဖြစ်ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ COVID-19ကြောင့် ကိုယ်ပိုင်ဆေးခန်းအချို့ အဖျားကြီးလူနာတွေကို ကုသမှုပေးတဲ့ ပုံပြောင်းလာ
ข่าวที่เกี่ยวข้อง