Khaosod
Online

วันพฤหัสบดี ที่ 2 ก.ค. 2563

လူနာသစ်တွေ့နှုန်းကျပေမယ့် မပေါ့ဆဖို့ ကျန်းမာရေးဝန်ကြီး သတိပေး၊ဒေါ်အောင်ဆန်းစုကြည် မက်စ်ပြိုင်ပွဲမှာ ရုရှသံအမတ်ကြီး မိသားစု အထူးဆုရရှိ၊ ပြည်တွင်း စက်သုံးဆီဈေးပြန်တက်

24 พ.ค. 2563 - 09:55 น.

(၁) ကိုဗစ်လူနာသစ်တွေ့နှုန်းကျလာပေမယ့် ပြည်သူတွေမပေါ့ဆဖို့ ကျန်းမာရေးဝန်ကြီး သတိပေး

မြန်မာမှာ ကိုဗစ်လူနာသစ်တွေ့နှုန်း အနည်းငယ်ကျလာပေမယ့် ပြည်သူတွေမပေ့ါဆကြဖို့ ကျန်းမာရေးနဲ့ အားကစားဝန်ကြီး ဒေါက်တာမြင့်ထွေးက သတိပေးပါတယ်။

နိုင်ငံတချို့မှာ ရောဂါဖြစ်နှုန်းကျလာလို့ ဖြေလျှော့မှုတွေလုပ်ပေးတဲ့နောက် တစ်ကျော့ပြန် ရောဂါကူးစက်မှုတွေမြင့်မားလာတယ်လို့ ဆိုပါတယ်။

ကိုဗစ်-၁၉ ဟာ ဗိုင်းရပ်စ်အသစ်ကြောင့်ဖြစ်တဲ့ရောဂါသစ်ဖြစ်ပြီး ရောဂါ ကူးစက်ပြန့်ပွားမှုပုံသဏ္ဍန်၊ ပြင်းထန်မှုအတိုင်းအတာ၊ ရောဂါဖြစ်စဉ် သဘောဘာဝနဲ့ ဗိုင်းရပ်စ်ရဲ့ အပြုအမှုနဲ့ သဘောသဘာဝတွေကို ရာနှုန်းပြည့်မသိရသေးတဲ့အပြပင် ထူးခြားတဲ့ ရောဂါလက္ခဏာသစ်တွေလည်း ထပ်တွေ့နေရတာကြောင့် ဆေးပညာရှင်တွေ၊ သုတေသီတွေနဲ့ ကျန်းမာရေးပညာရှင်တွေ လေ့လာနေရဆဲဖြစ်တယ်လို့ ဆိုပါတယ်။

မြန်မာမှာ ဓာတ်ခွဲအတည်ပြုလူနာတွေရဲ့ ၆၂ ရာခိုင်နှုန်းဟာ ရောဂါလက္ခဏာပြသခြင်းမရှိဘဲ ရောဂါပိုးရှိနေတာကိုတွေ့ရလို့ ပြည်သူတွေအနေနဲ့ မပေါ့ဆကြဖို့လည်း ဝန်ကြီးက သတိပေးထားပါတယ်။

မြန်မာမှာ မေ ၂၄ ရက်မနက်ထိ ကိုဗစ်အတည်ပြုလူနာ ၂၀၁ ဦး၊ သေဆုံးသူ ၆ ဦးနဲ့ ပြန်လည်ကျန်းမာလာသူက ၁၂၀ ရှိနေပါတယ်။

() ဖြေလျှော့မှုတချို့ရှိတဲ့နောက် ပြည်တွင်းစက်သုံးဆီဈေး ပြန်တက်လာ

ကိုဗစ်-၁၉ ဂယက်ကြောင့် တစ်လကျော်ကြာ ဈေးကျဆင်းခဲ့တဲ့ ပြည်တွင်း စက်သုံးဆီဈေး ဒီရက်ပိုင်း ပြန်တက်လာပါတယ်။

မေ ၁၅ ရက်နောက်ပိုင်း အိမ်မှာနေထိုင်ဖို့ ကန့်သတ်ချက်အပါအဝင် စည်းကမ်းတချို့ကို အစိုးရက ဖြေလျှော့ပေးပြီးတဲ့နောက် တစ်ပတ်ကျော်အတွင်း ခုလို စက်သုံးဆီဈေးတွေပြန်တက်လာတာဖြစ်ပါတယ်။

ကိုဗစ်-၁၉ အတည်ပြုလူနာစတွေ့ခဲ့တဲ့ မတ်လ ၂၃ ရက်နောက်ပိုင်း ဧပြီလကုန်အထိ စက်သုံးဆီဈေး ဆက်တိုက်ကျဆင်းခဲ့ပြီး ၉၅ တစ်လီတာကို ၄၁၀ ဝန်းကျင်၊ ၉၂ တစ်လီတာကို ကျပ် ၃၀၀ ကျော်ဝန်းကျင်အထိ ကျဆင်းခဲ့ပါတယ်။

အခုအခါ ဖြေလျှော့မှုတချို့ရှိလာခဲ့ပြီး လုပ်ငန်းတချို့ ခပ်ခွာခွာအနေအထားနဲ့ ပြန်ဖွင့်လာတာ၊ စားသောက်ဆိုင်တွေ၊ လဘက်ရည်ဆိုင်တွေ စည်းကမ်း ချက်နဲ့အညီ ပြန်ဖွင့်လာတဲ့ဒီသတင်းပတ်မှာတော့ ရန်ကုန်မှာ ကားလမ်းတွေလည်း ပြန်ကြပ်လာသလို စက်သုံးဆီဈေးလည်း ပြန်တက်လာခဲ့ပါတယ်။

မေလ ၂၄ ရက်မနက်ထိ ၉၅ တစ်လီတာကို ကျပ် ၅၅၀ နဲ့ ၉၂ တစ်လီတာကို ကျပ် ၄၀၀ ကျော်ဝန်းကျင် ရှိနေပါတယ်။

ဒေါ်လာဈေးဟာလည်း ကိုဗစ် ၁၉ စဖြစ်တဲ့ချိန်တည်းက ကျဆင်းခဲ့ပြီး တစ်ဒေါ်လာကို ကျပ် ၁၃၀၀ အောက်ထိရောက်ခဲ့တာပါ။

ခုတော့ တစ်ဒေါ်လာကို ကျပ် ၁၄၁၀ ဝန်းကျင်မှာ ရှိနေပါတယ်။

ရောဂါထိန်းချုပ်နိုင်ရေး ကိုဗစ်၁၉ ထိန်းချုပ်ရေးဗဟိုကော်မတီက ထုတ်ပြန်ထားတဲ့အမိန့်တွေညွှန်ကြားချက်တွေကို မေလကုန်အထိ သက်တမ်း တိုးထားပေမယ့် စက်ရုံ၊ အလုပ်ရုံတွေ၊ စားသောက်ဆိုင်၊ လဘက်ရည်ဆိုင်စတဲ့ လုပ်ငန်းတွေကို စည်းကမ်းနဲ့အညီ ပြန်ဖွင့်ခွင့်ပြုခဲ့ပါတယ်။

()ဒေါ်အောင်ဆန်းစုကြည်ရဲ့ မက်စ်ပြိုင်ပွဲမှာ ရုရှသံအမတ်ကြီးမိသားစု အထူးဆုရရှိ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်ပြုလုပ်တဲ့ မက်စ်(Mask-နှာခေါင်းစည်း)ချုပ်လုပ်ဝတ်ဆင်ပြိုင်ပွဲမှာ မြန်မာနိုင်ငံဆိုင်ရာ ရုရှသံအတမ်ကြီး ဒေါက်တာ နစ်ကိုလေးလစ္စတိုပါဒေါ့ဗ် မိသားစုဟာ အထူးဆု ချီးမြှင့်ခံရပါတယ်။

ဒီဆုအပါအဝင် ဆုရရှိသူတွေကို ဒေါ်အောင်ဆန်းစုကြည်က သူ့ရဲ့ဖေ့စ်ဘွတ်မှာ မနေ့က ရေးသားကြေညာခဲ့တာဖြစ်ပါတယ်။

"ကျွန်မတို့ ပြိုင်ပွဲကိုအားပေးလိုတဲ့စိတ်နဲ့ သံရုံးမိသားစုဝင် (၃)ဦးလုံး ရုရှလင်နင်သားနဲ့ ချုပ်ထားတဲ့ mask တွေတပ်ဆင်ပြီးရိုက်ထားတဲ့ပုံက စိတ်ရွှင်လန်းစရာပါ။ ယခုတလော ပိတ်ချုပ် masks လေးတွေတပ်နေကြတာမြင်ရလို့ ကျွန်မတို့ ပြိုင်ပွဲက ဒီအလေ့အထကို တစ်ထောင့်တစ်နေရာက အားပေးနိုင်ခဲ့မလားလို့တွေးပြီး ဝမ်းသာမိပါတယ်။ ပြိုင်ပွဲဖြစ်မြောက် အောင်မြင်အောင် ပါဝင် ဝန်းရံပေးသူအားလုံးကိုကျေးဇူးတင်စွာနဲ့ နှလုံးစိတ်ဝမ်းအေးချမ်းကြပါစေကြောင်း ဆုတောင်းမေတ္တာပို့သလိုက်ပါတယ်" လို့ ဒေါ်အောင်ဆန်းစုကြည်က ဆိုပါတယ်။

သံအမတ်ကြီး၊ သူ့ဇနီးနဲ့ သမီးငယ်သုံးဦးဟာ ရုရှလီနင်စနဲ့ ချုပ်ထားတဲ့ မက်စ်တွေတပ်ဆင်ပြီး အဲဒီဓာတ်ပုံကို မြန်မာနိုင်ငံဆိုင်ရာ ရုရှသံရုံးရဲ့ ဖေ့စ်ဘွတ်စာမျက်နှာကနေ မေ ၁၅ ရက်မှာတင်ခဲ့တာဖြစ်ပါတယ်။

ကိုဗစ်-၁၉ ကို ရင်ဆိုင်ရာမှာ နိုင်ငံတော်အတိုင်ပင်ခံဒေါ်အောင်ဆန်းစုကြည်ရဲ့ ဆောင်ရွက်ချက်တွေကို ထောက်ခံပြီး မြန်မာပြည်သူတွေရဲ့ ပူးပေါင်းပါဝင်မှုကလည်း အဓိကကျတယ်လို့ သံအမတ်ကြီးက ဗီဒီယိုမက်ဆေ့ချ်မှာ ပြောကြားခဲ့ပါတယ်။ မြန်မာပြည်မှာ စေတနာရှင်တွေ၊ ပရဟိတအဖွဲ့အစည်းတွေတော်တော်များများရှိပြီး ဒီစိန်ခေါ်မှုကို ကျော်လွှားဖို့ များစွာကြိုးစားကြတာ အလွန်ချီးကျူးစရာကောင်းတယ်လို့ ဆိုပါတယ်။

ဒါ့ပြင် ဆရာဝန်၊ သူနာပြု၊ ကျန်းမာရေးဝန်ထမ်းတွေဟာ ကိုဗစ်ကို ရင်ဆိုင်ရာမှာ စိန်ခေါ်မှုတွေအများကြီးရှိပြီး သူတို့ကိုလည်း အလွန်ချီးကျူးမိတယ်လို့ ပြောကြားခဲ့ပါတယ်။

() ကိုရိုနာစည်းကမ်းတွေချိုးဖောက်တယ် ဆိုသူ ဗြိတိန်ဝန်ကြီးချုပ်အကြံပေး ရာထူးက နုတ်ထွက်မှာမဟုတ်

ကိုရိုနာဗိုင်းရပ်စ်ကြောင့် ချမှတ်ထားတဲ့ ပိတ်ဆို့ကန့်သတ်မှုဆိုင်ရာ စည်းမျဉ်းတွေကို ချိုးဖောက်တယ်လို့ စွပ်စွဲချက်တွေနဲ့ပတ်သက်ပြီး ဗြိတိန်ဝန်ကြီးချုပ်ရဲ့ အကြံပေး ဒေါမနစ်ကမ်းမင်းက ရာထူးက နုတ်ထွက်မှာမဟုတ်ဘူးလို့ ပြောလိုက်ပါတယ်။

သူဟာ လော့ဒေါင်းကာလ ခရီးသွားမှုကြောင့် ရာထူးက နုတ်ထွက်ဖို့ ဖိအားပေးမှုတွေ ကြုံနေရပါတယ်။

မှန်ကန်တဲ့လုပ်ရပ်အတွက် ရာထူးက နုတ်ထွက်စရာမလိုဘူးလို့ ဝန်ကြီးချုပ်အကြံပေးက ဆိုပါတယ်။
BBC
မှန်ကန်တဲ့လုပ်ရပ်အတွက် ရာထူးက နုတ်ထွက်စရာမလိုဘူးလို့ ဝန်ကြီးချုပ်အကြံပေးက ဆိုပါတယ်။

သူ့ဇနီးမှာ ကိုဗစ်-၁၉ ရောဂါလက္ခဏာတွေပြလာချိန်မှာ သူဟာ မိသားစုနဲ့အတူ ဆွေမျိုးတွေရှိရာကို မိုင် ၂၆၀ ခရီးထွက်ခဲ့တာဟာ မှန်ကန်တဲ့လုပ်ရပ်ကို လုပ်ခဲ့တာလို့လည်း ဆိုပါတယ်။

မစ္စတာကမ်းမင်းဟာ လန်ဒန်ကနေ မိုင် ၂၆၀ ဝေးတဲ့ မိဘတွေရှိရာ ဒါဟမ်မြို့ဆီကို ဇနီး၊ ကလေးတွေနဲ့အတူ ကားမောင်းသွားရောက်ခဲ့တာပါ။ မိဘတွေအိမ်မှာ ကလေးတွေကို ထားဖို့ အခုလို ခရီးထွက်ခဲ့တာဖြစ်တယ်လို့ ဆိုပါတယ်။

ဝန်ကြီးချုပ်ရုံးကလည်း သူ့မှာ ရောဂါလက္ခဏာတွေရခဲ့ပါက ကလေးတွေကို ကြည့်ရှုစောင့်ရှောက်ပေးဖို့ လိုအပ်တာကြောင့် ခုလို မိဘဆွေမျိုးတွေရှိရာကို သွားရောက်ပို့ဆောင်တာဖြစ်တယ်လို့ ပြောပါတယ်။

အတိုက်အခံပါတီတွေဘက်ကတော့ သူ့လုပ်ရပ်ဟာ အစိုးရရဲ့ ကိုရိုနာဗိုင်းရပ်စ်အစီအမံတွေကို ပျက်ပြားစေပြီး သူ့လုပ်ရပ်အတွက် အရေးပေါ် စုံစမ်းစစ် ဆေးမှု တွေလုပ်ဖို့ တောင်းဆိုလိုက်ပါတယ်။

မစ္စတာကမ်းမင်းကတော့ သူဟာ လန်ဒန်ကနေ မိဘဆွေမျိုးတွေရှိတဲ့ ဒါဟမ်မြို့ကို သွားခဲ့တာဟာ တာဝန်ယူမှု တာဝန်ခံမှုရှိရှိနဲ့ တရားမျှတမှုရှိစွာ ဆောင်ရွက်ခဲ့တာဖြစ်တယ်လို့ သတင်းထောက်တွေကို ပြောပါတယ်။

သူ့ကလေးငယ်တွေ ရောဂါမကူးစက်ဖို့ မှန်ကန်တဲ့အလုပ်ကို လုပ်ခဲ့တာဖြစ်ပြီး လူတွေက ဒါကို ဘယ်လိုထင်ကြမလဲဆိုတာက အကြောင်းမဟုတ်ဘူးလို့လည်း သူက ဆိုပါတယ်။

ဒီဖြစ်စဉ်ကြောင့် သူ့ကို ရာထူးက နုတ်ထွက်ဖို့စဉ်းစားမလားလို့ သတင်းထောက်တွေအမေးကိုတော့ နုတ်ထွက်မှာမဟုတ်ဘူးလို့ သူက ပြောခဲ့ပါတယ်။

ဗြိတိန်က သတင်းစာကြီးတချို့မှာ မစ္စတာကမ်းမင်းကို ဒါဟမ်မှာရှိတဲ့ သူ့မိဘတွေအိမ်နားမှာ တွေ့ခဲ့ရပြီး ရဲတွေနဲ့ စကားပြောဆိုရတာတွေရှိခဲ့တယ်ဆိုတဲ့ သတင်းဖော်ပြချက်တွေကို ဝန်ကြီးချုပ်ရုံးက အစောပိုင်းထုတ်ပြန်ချက်မှာ ငြင်းဆိုခဲ့ပါတယ်။

နောက်ထပ်ထုတ်ပြန်ချက်တစ်ခုမှာတော့ ဒါဟမ်ရဲတွေဟာ မစ္စတာကမ်းမင်းရဲ့ ခရီးစဉ်အကြောင်း သိရှိသွားပြီးတဲ့ မတ် ၃၁ ရက်မှာ သူ့ဖခင်ဖြစ်သူနဲ့ စကားပြောခဲ့တာရှိတယ်လို့ ဆိုပါတယ်။

သူ့ဖခင်က သားဖြစ်သူဟာ လန်ဒန်အရှေ့မြောက်ပိုင်းကို ခရီးထွက်ခဲ့ပြီး မိသားစုနဲ့အတူ သီးသန့်ခွဲခြားနေထိုင်ဖို့ အတွက်ဖြစ်တယ်လို့ ထွက်ဆိုခဲ့ပါတယ်။

ဗြိတိန်ဟာ ဥရောပမှာ ကိုရိုနာဗိုင်းရပ်စ်ကူးစက်မှု အမြင့်ဆုံး ဖြစ်ပြီး သေဆုံးသူ ၃၆,၀၀၀ ကျော်နဲ့ ကူးစက်ခံရသူ နှစ်သိန်းခွဲကျော် ရှိနေပါတယ်။

ဒါကြောင့် ဗိုင်းရပ်စ်ပြန့်ပွားမှုထိန်းချုပ်ဖို့ ခရီးသွားလာမှုဆိုင်ရာအပါအဝင် ကန့်သတ်ချက်တွေချမှတ်ထားချိန် ခုလို ဝန်ကြီးချုပ်ရဲ့ အကြံပေး ခရီးထွက်တဲ့အပေါ် ဝေဖန်မှုတွေ ရှိနေတာဖြစ်ပါတယ်။

line-qr

เกาะติดข่าวสำคัญ

กดติดตาม "ข่าวสด"

single-line

ติดตามข่าวสด


ข่าวเด่นประจำวัน













ภาพที่



อัลบั้มภาพ လူနာသစ်တွေ့နှုန်းကျပေမယ့် မပေါ့ဆဖို့ ကျန်းမာရေးဝန်ကြီး သတိပေး၊ဒေါ်အောင်ဆန်းစုကြည် မက်စ်ပြိုင်ပွဲမှာ ရုရှသံအမတ်ကြီး မိသားစု အထူးဆုရရှိ၊ ပြည်တွင်း စက်သုံးဆီဈေးပြန်တက်
ข่าวที่เกี่ยวข้อง